**سمي علي قلبي قبل تذبحينه **‎

< TD>< TD>







سمي على قلبي قبل تذبحينه ..
سمي عليه وقولي انك تحبينه ..
شيحي بوجهك قبل ما تطعنينه ..
أخاف يحيى لا دري انك ذبحتيه ..
من كثر ما هالقلب عندك رهينه ..
بديت احس انك بجوفك حملتيه ..
كلما سمعته يشتكي من انينه ..
اردد اسمك يمكن اسمك يعزيه ..
مره سأل عنك اذا تجرحينه ؟
كذبت وقلت انك ابد ما تجرحينه ..
ومره سأل عنك اذا تذكرينه ..
كذبت وقلت انك ابد ما نسيته ..
مابي اشوه صورتك وسط عينه ..
ومابي يحس انك بغدرك ظلمتيه ..
واليوم هذا القلب عينك بعينه ..
شلته على كفي ودمعي يغطيه ..
قولي له انك بالغلا ماتبينه ..
قولي ان قلبك خان وماعاد يبغيه ..
خلي عتاب الشوق بينك وبينه ..
وخليني ابعد وانسي حبك وماضيه ..
عجزت المه وانتي تبعثرينه ..
وعجزت اداوي الجرح كلما طعنتيه ..
بنيت باسمك في خفوقي مدينه ..
ورياح غدرك حطمت كل مبانيه ..
خليه عندك وسط علبه ثمينه ..
خليه يدري كيف كنتي تخونينه ..
جسمي وروحي والعقل بايعينه ..
وانا بعد بعته وما عدت باغيه ..
مادام هذا القلب عندك رهينه ..
قلب يحبك ما لنا حاجه فيه ..
خلية قصه للزمان وسنينه ..
قلب يموت ومانزل راس راعيه ..
لكن طلبتك قبل ما تذبحينه ..
سمي عليه وقولي انك تحبينه ..