لا خلاص ماينفع معاااي اعتذارك جرحي كبير وما يداويه موتك

في شآت أحد القنوآت_
الشاعر: صباح الخير جميعا أحد فاضي وعنده رصيد أسولف وياه_؟

كانت أمل متابعه القناه وكانت تطلب من الكنترول أغنيه ولا عطاها وجه_

الشاعر: ياكنترول عشان خاطري حط الأغنيه اللي تبي حرام بنيه ضعيفه_

دخول صاروخي من أمل كانت تحمل لقب الباكيه: هيه هيه أحد طلب منك واسطات وش دخلك

وبعدين أنا مو ضعيفه_
الشاعر: خلاص لاتزعلين مو ضعيفه دبا ومسكينه_هاهاهاي

الباكيه: يخاطبني السفيه بكل قبح وأكره أن أكون له مجيبا كنترول بتحط الأغنيه والأ أشتري الشريط من الأستريو وأفتك من منتك؟
الكنترول__لاحياة لمن تنادي__
الشاعر: يابنت الحلال خليني أتوسط تري أنا من أهل الشات وأمون على الكنترول_

الباكيه: كوكو إذا بتحط الأغنيه عشانه مابيها__وأهه عاقلبك ياالشاعر اللي مابقصيدته بيت ينبلع

الكنترول: صباحكم ورد سوري الباكيه بس عن جد كان فيه ضغط وماعم لحق أقرأ مسجات_شو كان
بدك؟
الباكيه: آخير تنازلت ترد علينا كوكو تريك صاير مغرور_

الشاعر: ياحرام كوكو شاطفك أضحكو عليها

الكنترول: آمري تدللي لو تبين لبن العصفور بنجيبه لك__بس تكفين لاتوهقيني_
الشاعر: كوكو أنا أقولك الباكيه تقول إني سفيه وش رايك
الكنترول: بجد مامعاها حق_
الباكيه: شكل مالي مكان بهالشات أضف خشتي وضروسي أحسن_أنقلع يالشاعر
الشاعر: رجا لاتزودينها تريني معطيك وجه للآخر
الباكيه: نعم وش قلت؟ ليش الشات لأبوك وأنا ماأدري؟
الشاعر: تخسين أبوي مو جرار ياكلبه
الباكيه: فعلا إنك حقير كيف تجرأ وتكتب هالحكي
الشاعر: لاتضحكين على نفسك مايدخل الشات من البنات الأ الحثاله

الباكيه: العتب مو عليك على اللي يعرض مسجاتك

الشاعر: لو فيها شي غلط كان شفروها وهم متأكدين إنكن بنات شوارع_
الباكيه: تبي تنرفزني ماقمت ولاقعدت شوف الشات كل الشباب والبنات ضدك
الشاعر: أنا ماهميتك بس إنتي هميتيني لأني أحسك سهلة المنال
الباكيه: تبطي عظم ياسافل إنت والكنترول وهالقناه واللي يتابعها بعد كذا_
الشاعر: ههههاه حكي حريم سافل حقير
(وبعد شهر وهم كل يوم هوشات وقلة حيا)
إختفت الباكيه
الشاعر: الباكيه فقيره وفاسده ولسان طويل أقول دقي علي وأشحن لك
الشاعر: الله لايردك أحسن نور الشات_
غدا في نفس الوقت
الشاعر: وين الباكيه ماشوفها أبي أتطمن أحد شافها اليوم
إذا دخلت أنا أبي أطلع_
وصل الخبر إن الباكيه مادخلت
الشاعر: واو كوكو أبي أحسن أغاني الأفراح أنا مبسوط حيل إنتصرت_
الكنترول: تآمر ياشاعر
وصار الشات كله فرحه وكأنه عيد وبعض المشاركين اللي كانو متابعين هوشات الباكيه والشاعر ماعجبهم الوضع_
وكل يوم الشاعر يتطمن ويسوي نفس الشي والباكيه طبعا متابعه مع إنه الموضوع مايسوى الأ إنها كل ماشافت الشات تقعد تبكي تفكر بكلام الشاعر عن بنات الشات حست نفسها تافهه على قولة الشاعر وكل ماتتذكر كلمة حثاله تنهار من البكاء_
وكانو أهلها مستغربين نفسيتها الزفت وعصبيتها وقلت أكلها تقريبا عايشه على المويا_وبس تجلس بروحها بغرفتها على التلفزيون_
بعد أسبوع تقريبا من أنقطاعها عن الشات نست الباكيه الموضوع ورجعت أمل اللي يعرفونها أهلها_
أمل: يووه يمه طفش نبي نطلع مليت_
الوالده: ماصدقت أمل تطلب يالله وين تبين نروح
أمل: أي مكان والأ تدرين يمه خلينا نروح لخالي من زمان عن البنات
أمها: خلاص روحي ألبسي_ أمل لبست وتكشخت وخذت أمها معها_وبالطريق جاها مسج وين طالعه؟
أمل توقعت إن أحد صديقاتها تسوي مقلب ما أهتمت_
وجاها مسج ثاني ناظري يمين وردي علي وين طالعه؟
ناظرت أمل بسرعه وشافت رجال متلثم يأشرلها وهو بسيارته _
أتعفست أمل وأنشل تفكيرها ياربي مين هذا ومن وين يعرفني؟ أمها لاحظت
أمل وش فيك؟ ولاشي بس دخت شوي باكل بنادول وبيخف الصداع_
أمها كان تبين نرجع مايخالف_أمل : لايمه شدعوا عادي_
أمل كانت في قمة الخوف وأطرافها ترتعش وقلبها ينبض بسرعه مو طبيعيه_وكانت طول الطريق تستغفر ربها وتناظر للسياره اللي بجنبها لين وصلت بيت خالها ودخلت الباب وألتفت وشافته وقال باي ومر بهدؤ _دخلت أمل وباين عليها إن فيه شي وأقنعتهم إنه صداع المهم من بين السوالف مع بنات خالها طاحت أمل عالأرض وأغمى عليها بسرعه نقلوها للطوارئ وحاولو يصحونها ماقدرو وطلعت النتيجه فقر دم حاد
وضروري أحد يتبرع لها خلال ساعتين_وقدرو ينقذون أمل بفتره وجيزه بنات خالها وخالها وعياله_
صحت أمل وهي تنادي لأمها وحاسه إنها بتفارق الحياه_
أمل: يماه
أمها: هلا يمه أنا معك
أمل: يمه سامحيني سامحيني أنا خنت ثقتكم فيني أنا ماستاهل أعيش_
ألأم بنظرات الأستغراب: ليش أمل تقولين كذا وش إنتي مسويه؟
أمل: خلاص يمه سامحيني ولا تتعبيني أكثر_
سكتت أمها ولكن مارتاحت وكل شي يطري على بالها_
بعد أسبوع طلعت أمل من المستشفى وراحت للبيت_كان بالبيت أخوانها وزوجة أخوها والشغاله_أستقبولها بنظرات غريبه ماقدرت تفسرها_
أمل:ليش ماحد زارني توقعت ماحد يوقف معاي غيركم؟
ماحد رد ماحد له نفس يكلمها_
أستغربت ماسويت شي يستهال يعاملوني كذا؟
خالد: (أخوها) أمل أطلعي لغرفتك وأنا جايك ألحين؟؟
أمل طلعت وشوي وتنجن من أسلوبهم_
خالد: أمل أفتحي الباب_
أمل: دقيقه أبدل ملابسي_
خالد: تبدلين ملابسك والأ تكلمين حبيبيك تطمنينه أفتحي الباب بسرعه والأ كسرته وكسرتك معاه؟؟
أمل: لبست بسرعه وفتحت الباب وهي ميته من الرعبه_
خالد شفيك معصب؟
خالد شدها مع شعرها وقال ولك عين تسألين؟؟
طلع خالد جوال أمل من جيبه وقال لمين هذا؟
قالت لي قال ومنهو وليد ياحيوانه_حلفت إنها مو فاهمه شي وقرا عليها مسجاته وكان واحد فيهم عمري أمل أنا ماأنسى أجمل ليله بعمري اللي كانت بغرفتك لكن أعذريني ماراح أتزوج وحده مثلك
أمل إنهارت من اللي تسمع حست كانه صاعقه براسها
رماها إخوها بالزاويه وقفل الغرفه وأخذ المفتاح وقال لأهله خلوها تموت من الجوع قبل تجيب لنا العار؟؟
سمعت أمها وقرو عليها الرسائل وإنهارت بعد من الصدمه وقررت تروح عند أخوها لإنها ماهي قادره تشوف أمل أو تسمع صوتها_
راحت أم خالد لأخوها والكل مستغرب وضعها ماهي أم خالد اللي يعرفون_وكان عند أخوها ولد مسافر لضروف عمله أسمه فهد رجع بعد يومين من أستقرار أم خالد في بيت أهله والكل مبسوط فيه خواته أخوانه أمه وأبوه بس عمته مو طبيعيه_
عمتي وش فيك ماإنتي على بعضك؟
أم خالد: لا ياعمري أنا الحمدلله بخير ونعمه إنت طمنا عنك_
فهد: أنا تمام ولو إن الدوام متعبني بس هانت فتره بسيطه وأرجع بينكم_
عمتي إذا لي خاطر عندك تقولين لي وش فيك؟؟ وحتى العيال ماهم طبيعين وش عندكم محتاجين شي ناقص عليكم شي؟؟
أم خالد: جزاك الله خير لاحتجنا شي مانقول غير لك_
فهد: على راحتك مابي أضغط عليك لكن بأي وقت تحتاجوني تلقوني_
أم خالد: ماتقصر وعساك عالقوه_
أمل بغرفتها محبوسه وتبكي وتصلي وتستغفر ربها وتفكر كل هذا ذنبي إني دخلت الشات_
وفجأه سمعت الباب ينفتح بهدؤ وناظرت وشافت زوجة أخوها اللي هي بنت خالها جايبه لها أكل نزلت الأكل وراحت بسرعه وسكرت الغرفه وأنزلت_
وكل يوم تجيب الأكل بدون أي حكي_
وبعد أسبوع أم خالد عند أخوها ساعات تضحك وتجامل وساعات تنهار من الدموع_وبليله سألت أم فهد وش أخبار أمل؟؟
أنهارت أم خالد وقعدت تبكي وشوي والأ تموت من الصياح_دخل فهد وسمع عمته تبكي ووقف قبل يوصل الصاله وقعد يتسمع_وقالت أم خالد لأم فهد كل السالفه من أول ما قالت أمل لأمها يمه سامحيني_لين حبسها أخوها_
فهد طاحت أعصابه من الصدمه ولاقدر يستوعب إن أمل الطاهره الشريفه يصير فيها كذا_راح بسرعة البرق لخالد_ فهد: خالد أنا جاي أطلب يد أمل_
خالد: يافهد أمل ماتبي تتزوج هالفتره هذي لين 10سنوات إنت دور لك بنت حلال تناسب عمرك_
فهد: ماعندي مشكله أنتظرها
خالد: فهد مالك نصيب_
فهد: والسبب؟
خالد: لاتسأل أكثر من كذا تحرجني وتحرج نفسك زواج أمل مستحيل_
فهد: خالد أنا سمعت عمتي وهي تعلم أمي بالسالفه وأنا مستعد أتزوجها
خالد: عشان هالسبب أنا ماراح أوافق إنت تستاهل وحده أحسن من أمل_
فهد: أرجوك خالد حرام تسوي فيها كذا
خالد: الحرام الطريق اللي أمل مشته أمل ماتستاهل الا إنها تموت_
فهد: الله يستر عليها_فمان الله_
بعد دقايق دق تلفون أم فهد ألو مين؟
معك المستشفى
مستشفى خير إنشالله
بسيطه إنشالله لكن نبغى نكلم رجال نتفاهم معاه_والله مافيه أحد أبو فهد بالمزرعه وماعنده شبكه وفهد طالع وآخوانه نايمين تبي شي ضروري
إذا سمحتي صحي أحد نتكلم معاه
عطتها أم خالد وراحت تصحي بدر وبندر
أم خالد عسى ماشر ياخوي وش فيه
لا بس محاولة إنتحار ونحتاج رجال عشان التحقيق
طاحت السماعه من يد أم خالد وهي تصرخ وتقول أمل أنتحرت_سمعوا اللي بالبيت صراخ أم خالد وصار البيت كله ضجيج وصراخ أتصلت أم خالد على خالد وقالت أمل أنتحرت_أنصدم خالد وطلع بسرعه لغرفة أمل وكسر الباب وشاف أمل تصلي بمصلاها ومافيها شي_راح وجاب أمه عشان تتطمن ولمن شافتها قعدت تضمها وتبكي وحتى خالد من الموقف نزلت دموعه_ولما هدو أتصل جوال خالد ألو هلا بدر
خالد تعال ضروري المستشفى
خالد: ليه وش فيه؟
بدر: فهد حاول ينتحر والتحقيق طالبينك لإن آخر مكالمه بجوال فهد رقمك_
خالد: طيب جاي ألحين_
أمل وأمها مصدومات ياربي كارثه جديده_
وصل خالد المستشفى المحقق والدكتور_
الدكتور: أخ خالد ولد خالك فهد بحاله خطيره جدا وحاول الأنتحار عن طريق ألتهام مواد كيماويه سامه جدا_ولحقنا عليه بآخر لحظه وكان يصحى وينطق كلمة أمل وحرام_وعرفنا إن أمل تكون أختك عشان كذا نبغى أمل تجي وتكون جنبه عشان تكون حافز للحياه بالنسبه له_أنصدم خالد لكن كان مضطر يلبي عشان يساهم بأنقاذ فهد_راح للبيت ودخل بسرعه وقعد ينادي أمل بصوت عالي نزلت أمل وأمها ومو عارفات وش السالفه وأخذ أمل للمستشفى وماقدر ينتظر أمه_وصلت أمل ودخلت مع خالد على فهد بغرفة ال أن عاش وقال خالد نادي بأسم فهد ونادت أمل فهد فهد فهد ولكن لاحياة لمن تنادي وأمل ماتعرف أي شي عن فهد قالو لها نادي له و نادت__دخل الدكتور وطلعهم ودخلو غرفة المحقق_
المحقق: خالد أمل تفضلو أجلسو_إنتم عارفين مدى خطورة حالة فهد حاليا وإذا توفى لا قدر الله راح يكون التحقيق على شخص واحد اللي هو خالد لإنك آخر شخص قابله فهد وآخر شخص كلمه بالجوال_
خالد: ياساتر بس أنا ماسويت شي_طلب يد أختي أمل ورفضت_
أمل أنصدمت بالخبر_وقال المحقق عموما" أحنا لقينا بيد فهد رساله ومكتوب الى يد أمل_راح تقرينها يا أمل بنفسك_
فتحت أمل الرساله ويدينها يرتعد وكان المكتوب بالرساله(أمل لاتستحقين كل هذا أنا السبب في كل مايحصل لك_وأرجوك إن تسامحيني فإنني الآن أحتاج دعواتك وأعترفت لك في هذه الرساله علها تكون إثباتا لشرفك وطهرك ولتظهر برائتك أمام أهلك_كنتي عندنا بالبيت وتركتي جوالك عالتلفزيون وقتها أخذته وقريت كل المسجات وكان بالمرسله مسجاتك للشات بلقب الباكيه وكانت في قمة البراءه أنا أعترف حقدت عليك يمكن غيره ما أدري_المهم قررت أخليك تتركين الشات بأي طريقه وفعلا تحققت أمنيتي_لكن ماكتفيت بعد كلامك علي كرهتك وقررت أخليك تعيشين بحيره وخذيت إجازه من الدوام بس عشان أطلع وراك بالسياره وأسوي اللي سويته_وبعد ماكتفيت قعدت أراسلك على إني عشيق لك لكن يشهد الله ماكنت أبي أحد يقرها غيرك بس كنت أبيك تعذبين وللأسف صار اللي صار ولما رحت لخالد وخطبتك قال أمل ماتستاهلك تمنيت إن الأرض تنشق وتبلعني وعرفت إني أنا اللي ماستاهل أعيش بعد اللي سويته أنا ماراح أقول آسف لإنها ماراح تكفي لكن أقول خوذي عمري وحياتي وقلبي وأنفاسي وأدعي لي وسامحيني أنا ماكنت أحسب إني أعشقك الأ بعد مارفضني خالد_أمل أعشقك وماني مضطر أعترف لكن أبي دعواتك لإنك مظلومه ودعوتك مستجابه_مجنونك فهد)
بعد ماقرت أمل الرساله قعدت تبكي وتصرخ ليش سوا كذا_ليش؟
دخلت أمها وكانت أمل تبكي وخالد أنربط لسانه من صدمته بعد ماظلم أمل_أم خالد: وش فيه تكلمو؟
قال خالد السالفه لأمه وقعدت تبكي وتضم أمل لصدرها بقوه وتقول كنت متأكده إنك مظلومه وأتحرى أحد يبشرني_الحمدلله يارب_
دخل الدكتور بسرعه ونادى أمل أمل_قالت نعم_وعلمها إن فهد صحى ينادي لها_ترددت قبل لاتروح وقالت أسأله ليش سوا كذا؟؟
فهد: أمل أحبك أمل سامحيني_
أمل دخلت وسمعته ولما قربت له فتح عيونه وناضرها وأبتسم قال سبحان الله نفس ماتخيلتك
أمل: ليش سويت كذا؟؟
فهد: جنوون حبك
أمل مع إبتسامه بريئه: الحمدلله على السلامه_
فهد: يعني سامحتيني؟
أمل: إنت بس قوم بالسلامه ألحين حسابك بعدين_
فهد ماشالته الدنيا من الفرحه نفسه يقوم ينط ويزت كل الأجهزه اللي حوله__
بعد شهرين__طلع فهد من المستشفى وأول مشوار راح لبيت خالد وقال تزوجني أموله والأ أنتحر___خالد بصوت عالي والله لو مابقى رجال غيرك بالدنيا
فهد: تمزح
خالد: هذا حكي أمل ولو وافقت أمل أنا ماراح أوافق_
اللي سويته ماهو شي سهل يافهد وأمل الحين بذمة رجال ثاني_
فهد: أنا أدري إني ما أستاهلها_وكل شي مقدر والله يوفقها_قبل لايطلع من البيت حس بصداع عنيف وفجأه طاااح على الأرض وقبل يوصل المستشفى فارق أمل وفارق الحياه_
(هذي غلطة فهد_وأمل ماكان فيه أي أمل إنها تحبه)

شكرا على القصة الجميلة