قصيدة ( يا صغير ما يكبرني لقب) للشاعر طلال الرشيد - رحمة الله عليه

بسم الله الرحمن الرحيم



قصيدة للشاعر .. طلال بن عبدالعزيز الرشيد



يا صغيّر ما يكبرني لقب ***وما يصغرني إذا انكرني صغير

ما خذينا الصيت من جمع الذهب ***ولا نسابة شيخ او قربة وزير

كاسبينه من هل السيف الحدب ***الجنايز كان ما جاك النذير

صيتهم نجم ٍ على رأسه لهب ***سمعوا الصقهان به واجهر ضرير

بالوفا تاريخ أبيض ينتصب ***لا حكوا بالحق حيين الضمير

ضيغمين للسناعيس انتسب ***لابةٍ طلنا بها عرش كبير

عند حدك يا كثير الهرج تب ***لا تمر النار وثيابك حرير

كان لك عز بذلي فتعقب ***والله ألا تبطي وحبلك قصير

احسبنك من صناديد العرب ***واثر ساترتك عباتك ياغرير

ما حسب للسوس زراع القصب ***والقراده ما درى عنها البعير

ولو حسبنا للحسايف والتعب ***ما بذرنا يا العصافير الشعير

عن هللك ابراي لله واحتسب ***الرجال اللي مجاراهم عسير

من قريش المصطفى وابو لهب ***والدغالب ما غشت عذب الغدير

للرجال من الرجاجيل العتب ***والزكاة تحل في حال الفقير

لعنبو وقتٍ غدينابه حطب ***تحرقه نار يثورها اجير

ما ألومك والزمن سوى العجب ***هو بقى غير الكرامه بالجفير

ما أذل وراسي يشم المهب ***لو بقى من شمر طفلٍ غرير

ما اهاب ولا يزلزلني غضب ***الشجاعه ورث العاقل عزير

يا صغير ما يكبّر باللقلب ***غير من هو كان من دونه صغير

ومناسبة هالقصيده علشان اللي مايعرفها ان طلال اللي يرحمه كان ضيف على mbc fm وكان اللي يقابل معه أحمد الحامد وطول اللقاء كان يناديه سمو الأمير وبعد فاصل اعلاني صار الحامد يقول الأستاذ طلال ,, فسأله المرحوم ليش غير كلامه وأصر على انه يعرف فقاله الحامد ان البراهيم (صاحب mbc ) كلمه وقاله لاتقول أمير لأن الرشيد مب أمراء ,, فكانت هالقصيده بهجاء البراهيم ..