ثقيله مزحه الدنيا المشهد الثاني

حـط يده على يد الكرسي..وقـال لـ أخوه اللي يصغـره بـ سنتين :خلصت؟
قـال وهو يناظر الثـوب ..:انت وش رايك ارسـي على هذا؟
أبتسم :أيه حلوو .."وكمـل يبي يقهـره"..بس لاتوصخه كنك بـزر
طالعته بـ نص عين :اقول اعقـل!
رفـع حاجبـه علامة تهديد .. أبتسم:هههه امزح!
أبتسم :أيه اعقـل انت.."وكمـل وهو يقـوم من السرير"..متعبووه يـ الله ابي ارجـع البيت
متعب يحط الثون على الطاوله بـ يحاسب :اوكي..مشاري .. يبي لي كبك .. وشمـاغ
مشـاري يفـتح بـوكه البني :طيب عقـال ولا ماتبي؟

يوم طلعــوا من المحــل .. ركبـوا سيـأره مشـاري

مشـاري يشغـل سيارته:الا متعب .. وين ثوبك حـق عرس اختي نوره ..
متعب:نسيت ان انكـب عليه عصير.."تذكر شكل امه".. هههه وكل ماغلسته امي كبرت البقعـه
مشـاري ابتســم :هههههههه .. أيه عشـان كذا كانت تهاوشك

تــذكـر مشاري .. يوم عـرس نوره اخـته قبل أمـس .. كان عرس حلو ورايــق.. وكانت نــوره مبــسوطـه .. وهذا أهم شي

صحيح هم من طبقــه أقل بـ كثييير من المتــوسطه .. بس يحمد ربـه غيره مب لاقي يـاكل

رن جــواله
المتصل>الوالد

مشـاري:هلا
ابو مشاري:هلا مشـاري..وينك فيه؟
مشاري:فالطريق مع متعب لـ البيت
ابو مشاري:وش مطلعكم ؟
مشاري:ابد بس نشتري ثوب لـ متعب عشـان عزيمـة مشعل ولد عمي
ابو مشاري:اييه .. أجل امك فالبيت
مِشـاري:ايه ..يوم اطلع كانت هناك
ابو مشـاري:اجل قل لها لا تحتريني ع العشـا .. بتعشـى بالمرزعـه
مشاري:ان شالله

وسكــر
متعب:هذا ابوي؟
مشـاري:ايه .."حط جواله جنبه"..يقول بـ يتعشـى فـ مزرعه أبو جـابر
متعب:يحبـه لـ المزارع .. لو عندي فـلوس كان شريت له ..
مشـاري:انت توظف الحين .. ثم تعال تكلم
متعب:وش اسوي يااخي..دورت واخرتها طفشت
مشـاري:نعــبو عدوانك دخلت الـ 25 ولين الحين عاااطل..
متعب لف يطـالع الشباك .. ولا رد .. هذا مشـاري .. صاير هو المسـؤول عليهم من تقـاعد ابوهم ..
هـو ماينكـر انه يتقبـل من مشاري .. بس مايحب طاري الشغل..لانه دور ولا لقـى ..


مشـاري ..28 سنـه
متعب 25

/
/
/
كنت جالسـه في الصـأله وانا فـ قمة توتري..دخل الحمام وفـ أي لحظه بيطلع
سمعت صوت الباب ينفتح وطلــع..

- وراك جالســه هنا؟؟
أبتسمت له :ابد .. بس كنت انتظرك

مارد علي ودخل..نزلت راسي وطاحت خصـلآت شعري ورجعتها ورآ اذني وانا اطــلع نفس طووويل يمكن يطلع معه توتري..
- يلله جاهــزه؟
نوره قمت يوم سمعت صوته :لحظــه بدر!.. اجيب عبايتي
بدر:لا وش تجيبـين عبايتك..ناويه تفشليني؟؟
نوره طالعت فيه :شلون افشلك..تبيـني امشي كذا؟
بدر يتفحصها:ايه وش فيه جسمك؟؟..حلو وابي النـآس تدري ان عندي زوجه جسمها وجهها حلوين
نوره:بدر وش هالكلام.."ولفت عنه"..بروح اجيب عباتي
مسك يدها:تعانديني فـ اول يوم ياقلبي؟؟
نوره بـ أبتسامه:لا ماأعاندك..بس ماأبي امشي كذا
تركهــأ:اوكي لاتلبسين عبايه..بس شي ساتر يعني
نوره:ان شالله
ورآحـــــــت!!

بـــدر .. 32

/
/
/

دخلـوا البيت .. رمـى متعب نفسـه ع الكنبــه ..

- مــــــــــتعب!...يالبزر واخيرا شريت ثووووووب!
طالع متعب اخـته بـ نص عين :طاايح من عينكم انا .. روحي جيبي لي موويه
حطـت يدها على خصرها:نعم؟..نعم؟؟..عد عد ماسمعت؟
متعب مسـوى شـي:كيفك..انتي وضميرك!..ترا مافي لاب توب
دق ع الوتـر الحسـاس:خلااص طيب!..احط حار ولالا
متعب:صار لك كم سنـه تخدميني .. ولا تدرين ؟
مـلاك رصت اسنانها .. اخدمك أذنك!..:اخلص علي؟
ضحك:بـأااااااااااااارد
راحت المطبـخ وهي تحلطم ..

دخـل مشاري
متعب:وينك؟..توك تدخل؟
مشاري يجلس:لا دق علي فهد صقيقي
متعب:انت وفهد .. ياااحبكم لـ بعض
مشـاري:لا إله الا الله !

دخلت مـلاك .. ومعها المويـه
مشاري:ههههههههههههههههههه .. شـاطره!
ملاك:ثمن قللي اجيب لك
مشاري:لا شكـرا باايع عمري
ملاك:اشـوى انك تعرف العوواقب

وراحت ..

مـلاك..18 سنـه ..ثالث ثنوي ادبــي

/
/
/

طالعت شكلها فالمرايه .. لـ خشمها اللي كنه مزموم ومرفوع لـ فوق..وشفايف صغيره حاده..مسكت المسكره وحطت على رموشهـا الشبيهه بـ الهدب..عيـون كبـيره بس ضيقه .. أبتسمت لـ نفسها وهي تناظر انعكاس صورتها بالمرايه .. بعدت شوي تشوف جسمها النحيف والهزيل..فستان فوشي وكعب


- خلصــتي خجل؟
طالعت خجـل امها من المــرايه :ايه يمــه
ام بنــدر:يـ الله عشـان نروح
خجـل:اوكي!

فـ السيــاره

ام بندر:اسمعيني ياخجل..ان قالت لك ام فـراس شي .. لا تبيـنين انك ماتبين ولدهـا
خجل خنقتها العبـره :يمـه ترا كل يوم تعطيني هالمحاظره .. والله عرفـت
ام بنـدر :انا أأكــد لك!..انتي تدرين ابوك وش ممكن يسوي لو درا بس انك ماتبين فراس
طالعت تحت .. وعينها مركـزه على ساعتها اللي ماتدري حتى وشي او السـاعه كم ..
/
/
/


دخلت يدهـا فـ جيب معطفهـا الطوويل..حست بـ قطرة مويه تنزل على خشمها..طالعت فوق..مطـر!..رفعت قلاب البالطو عند رقبتها...ولمت يـديهـآ..الجو بــآرد الحين
وصلت عند سيارتها وركبت .. اخذت نفس وشغلت السياره واتجهت لـ البيت

يوم وصلت
- لقيتي شوغل؟
رمت البالطو..واخذت نفس:لا
أتجهت الثانيه لـ المطبخ وسوت نسكافيه..دقايق ورجعت تعطيها اها..:جـوآن!
فتحت عيونها الرماديه ..ابتسمت : يسلمووو
اخذت الكوب وهفت على البخار الحار..:الجو مره برد بـرآ
جلست :اعرف!..دنا قُـلت لك
أبتسمت جوان على لهجتها السعوديه وفيها نكهه بـ المصري..:اوكي جوآن روحي نـآمي
جوان تشرب من النسكافيه:لا..ابي اجلس شوي..
طالعت في ام حسن من فوق الكوب..نزلت وهي تبلل شفايها:ام حسن
ام حسن طالعتها..كملت :مادق عمي؟؟

ام حسن:لاءه!..بس ازون (اظن) ترك لك رسـاله
جوان:اهاا


حطت الكوب..وراحت فـوق..دخلت وشغلت الرساله الصوتيه وهي تفصخ بالطوها

" كيفك جوان؟! ان شالله بخير..يقولون الجو برد عندكم..ع العموم انا رسلـ..................."

سكرتها قبل لايكمل رسالته .. اكيد بيقول انه رسل لي فلووس..على باله اني محتاجة له الحين .. صبر بس آلقـى شغـل..

جــــوان .. 23 سنـه .. متخـرجه !

/
/
/

قمت من سريري ورميت الكتاب عليه..أففف..والله اني كنت مرتاحه في اولى ثنوي..ع الاقل مب تراكمي..الحين لو ماأجيب نسبه حلوه بجلس بالبيت من غير جامعه..ودي ادخل علم نفس.. مره ودي ادخل علم نفس..بس الظاهر شكلي بحول ادبي..لا الله لايعوق بـ شر بكره ان شالله أدبي ادبي..أدبـــــــــي!!!

- الجوري؟..شو بتساوي؟
طالعت بنت عمي..أبتسمت لها:أهليـن هيوني..كنت اذاكر الباقي بخليه بكره في الحصه الاولى
هيـآ:أخبار المذاكره معاك؟
الجوري وهي تجلس ع السرير بـ ملل:بكره بحول ادبي..طفشت..قلت دامني اول السنه بحول
هيآ شهقت:اذا الجوري بتحول ادبي..اجل انا بدخل ادبي ساااااالب..
الجوري:هههههههههههههههههههههه..شدعوه تراني مب دافوره مره..
هيآ:ههههه صح انتي احسن مني بـ شوي بس..مب كثير ههه
الجوري:وش عليك يابطه..ثالث ثنوي مابقى لك الا.."وقامت تعد"..8 شهور وتنقطع رجلك عن المدرسه
هيآ:بتحسديني ع السنه اللي بيني وبينك..خلااص اجل بنزل ثاني عشان خاطرك
الجوري:الا تعالي..وانتي وش جايبك؟
هيآ تضرب راسها بـ خفيف:يوووووه نسيت..اممم ابوي يقول امشي تعشي..
الجوري:اوكي..يللا

نزلت مع هيآ بنت عمي..

- هلا..هلا بـ بنااتي
ابتسمت لـ عمي وزوجته اللي من جيت والابستامه شاقه حلقها..حبيت روسهم احبهم يناااس
ابو مشعل:هلا والله بـ بناتي مابغيتوا.."يطالع"..الا وين عليآ..
هيا تاخذ لها ملعقه عشان تاكل رز: فوق..
ام مشعل:اجل انا بروح من الحين اصلح الشاهي
ابو مشعل:اوكي
الجوري:ههههههه..اوكي؟؟..الا عمي ماتعشيت مع ربعك؟
ابو مشعل:عاد قلت ودي اتعشى مع الجوري..من زمان ماشفتها ماغير جالسه بهالغرفه
الجوري:....أأ..اذاكر عمي
هيآ تخز الجوري:تذاكرين؟؟..تذاكرين ولا..."وتحرك يدها وكأنها تكتب ع الكيبورد"..خلنا ساكتين
الجوري تعطيها كوع..وتطالع في عمها وتضحك:ههههههه هيا الله يهديها..تحب تستهبل
ابومشعل:ههههههههه ترا مانيب بزر وانا ابوكم..ادري انك ماغير جالساتن على هالكمبوتر
الجوري تبتسم لـ عمها:عمي وش نسوي هذا صار من مقومات الحياه بـ النسبه لنا
ابو مشعل:ايه مايخالف..بس تراني واثق فيكم
أتسمتت هيآ:افكووووورس دادي..احنا تربيتك
الجوري وهي تقوم :الحمدالله
ابو مشعل:الجوري هذا اكل؟
الجوري لـ عمها بـ نعومه:الحمد الله ياعمي شبعت

قمت من عندهم..ورحت لـ غرفتي فتحت لابتوبي وجلست على الماسنجر والمنتديات

- جوجو؟
ناظرت الباب:نعــــم؟
هيآ:ياختي تعالي نناظر فلم او نطلع بالحوش..نسوي أي شي.. بس ماغير جالسه ع هالكمبوتر؟
الجوري:وش اسوي يختي خبرك من جيت من المدرسه نمت ولاقمت الا ع السآعه 6..وجلست اذاكر ماأمداني اجلس ع النت ولا دقيقه
هيـآ:طيب بس عـ.......

"قاطعها صوت"- عن ماذا تتحدثون؟
هيا:انتي وينك من الصبح؟؟..رحت لك بالغرفه ولا لقيتك
عليا:كنت عند فيصل وخالد
هيآ:اهاا..مره ثانيه عطيني خبر..عشان لاأقلق عليك مرتن اخرى
الجوري تستهبل: أي لايك يور كلام
هيآ:اوووخس تحكي اسباني
عليا:هههههه وش عنده متعب؟
هيا:احب حركات متعب تضحكني..ههههههه ياليت خالتي بس مرعضتني عشان اسمع مزحه كل يوم زي نوره وملآك
عليا:تزوجيه..ولك مني كل يوم تسمعين مزحه
هيا:ههههههه لا انا ابيه اخو بس
عليا:الا على طاري اخو.."ناظرت الجوري"..يقول فيصل ماتبين كتكات ابو قصدير؟
ضحكت الجوري:هههههههههههههههههههههه..قولي له ياليت والله
عليا:والله محد كان معطيك على قد جوك الا فصول اخوي
هيا بـ قهر:الله ياخذ عدوينكم..كان مدلعك دلع..آآآآآآخ بس..ياويل احد يضربك
الجوري أبتسمت..ههه لو تشوفونه الحين والله ولاكأن في وحده هنا..يكلمني ويعاملني عاادي جداً..بس هذا احسن لي واحسن له..صدقوني انا ماأحبه..او يعني احبه بس كـ اخو..او كـ ولد عم..مافي لافي قلبي ولا قلبه شي..ولاحد يقول تحبه ولا تدري..صدقوني محد يحب وهو مايدري..بعدين انا لسـى عمري 17 سنه..يعني مرآهقه ولاأقدر أتأكد من مشاعري..

عليا:وين رحتي يامااال الـ.....هيييييييييّ
الجوري:هاه..وش تبين؟
عليا:ريآل ...معك؟
الجوري:اوكي بس ترجـعينه بكره وان مارجعتيه بكره يتضاعف المبلغ
هيآ:انا احتــج..هذا ريـآء
الجوري:ايه صح..خلااص ماعندي سللف..أسفه هههههههه
عليا تستهبل:خساره عاد انا ابي ريآل ضروري بكره عشان الجامعه
الجوري:الا صح كلميني عن الجامعه كيف شكلها خبرك كلها سنتين ورايحة لها
هيآ:امممممممممممممم انا احسها مدرسه كبيره
عليا:ههههه يوم الاثنين عندي بريك طوويل تعالوا شوفوها
الجوري تصفك بـ يدها:الا..جد؟؟..مره ودي اروح
عليا:امشـوا بس ان شفتوا شي قديم جديد لاتستغربون
الجوري تعقد حواجبها:قديم؟؟..زي ايش؟
هيا:تقول عليا ان الجامعه فيها كل شي..يعني اشكال قديمه..ناس قراوا..وناس متمدنين مرره ناس غريبين
عليا:هههههههههه تخيلي ذاك اليوم امشي انا وصديقتي.. وحده وش مسويه بـ شعرها تتوقعين؟
الجوري حطت يدها على خدها:ايش؟
عليا:شفتي غرتها؟..صايره ملفلفه وصايره خصل كثاار مره
هيآ:اماانه؟؟.."شهقت"..من جد قرووووووووويه
الجوري:ههههههههههههاااي
عليا:الا تعالي جوري..جوان مادخلت اليوم المسن اعرفك انا 24 تبـن داخله
الجوري وبآن الحزن عليها:لا
عليا:ماعليه يالحوري..ترا ابوي طيب بس يبـي له شوية وقت لين ما يقتنع
هيا بـ دفاشه:معليش علياا..خل نكون واقعيـن وين يقتنع..انتي عارفه ان هالكلام صار له 6 شهور..ماراح يوافق ابد..
الجوري:الله يعيـن
هيأ:ابوي طيب..بس عنيـد والزم ماعليه سمعته
عليـا:ايه والله مستعد يبيعنـا عشان سمعته
الجوري:اقول أها انتي وهي
هيا:ههههه ماترضى
عليا تضرب راس هيا:تراه ابوك ياقليلة التربااااااايه
هيـأ:لالا..انا افق عاااجزه امام ترباااايه..ارحميني عليا

الجــوري 17 سنـه ثاني ثنـوي علمـي
بنت عمهـا .. هيـا 18 ..ثالث ينـوي
عليــا .. 22 .. أخر سنـه بـ الجامعـه
وهي تناظر البيت اللي على قد الحآل"- اول ماأتزوج اباخذ من زوجي مبلغ من المال وازين بيتنا
ملآك تضحك:هههاااي..عندي تعليقين..اول واحد ..مبلغ من المال..حلووه..والثآني..لاتنسين ان بيتنا اجار..يعني مب على كيفنا
أميره بقهـر:افف تهون لو اجار..المشكله انه حق ابو جابر..ألله يقلعه.."وقالت بـ غرور "..خل نتصدق عليه شوي نصلح بيته هالفقير
ملآك بـ حالميه:آآلله ..ذكرتيني بـ نفسي يوم كنت مرآهقه.."طالعتها اميره بـ نص ولا قالت شي "..يوم اتمنـى لآعب مشهور..ولاممثل عالمي..ويوم اتمنى امير يدلعني...وطيار يسفرني..ودكتور يعاجلني..آآخ بس ولا واحد جـآ
أميره :هههههههههههههههههههههههههه..مرآهقه صدق
ملآك.ياحبيبتي الحلم بـ بلاش
أميره : خُلقت الاحلآم لكي لاتتحقق
ملآك وهي تقوم:عادي..انا اعرف لك ناس تحققت احلآمهم
أميره:نـآس..بس مب انتي.."وتهز حواجبها تقهرها"
ملآك:اقول انطمي..امشي نحط العشآ بس
اميره تقوم وهي تحلطم:افففففف..

اميره = 11سنه
/
/
طلعت من الشركه وركبت سيارتي..اتجهت لـ بيتنا..وأول ماوقفت عند الباب شفت جارنا ابو جابر..أبتسمت..هـه!..هالانسان حارم نفسه كل شي..حتى شعور الفرح اعوذ بـ الله مايضحك حتى لـ نفسه..نزلت من سيارتي ودخلت البيت
شفت ملاك واميره..فصخت نظارتي..:اميره انتي هنا؟
اميره:ايه..ليه ماتبيني؟
مشاري ضحك: الا ابيك..بس امك وافقت تنومين عندنا؟
اميره:يس..امي موضي قالت لها..وأكيد واقفت دام الشي هذا اصدرته جهات عُليا
ملاك:ههههههه
مشاري:ههههه..اوكي اجل تراني بروح انوم مب تزعجوني..ولا والله لـ اوديك بيتكم
اميره:لالا..ماراح ازعجك متعب عادي بس انت لا
ملاك:مدري متى بتقول خالي متعب
مشاري:ايه في هذي لاتنتظرين لانك بتنتظرين واجد
اميره:هههههههههههههه
دخلت البيت وأتجهت لـ غرفة متعب..فتحت الباب..نااااايم الاخ..أكيد لا شغل ولادراسه..اكل ومرعى وقلة صنعى..سكرت الباب ورحت غرفتي ونمـت

أمـيره .. 11سنه .. بنت اخت مــلاك ..

/
/
/

- مافيش رسايل من عمك؟
جوان:الا..بس ماسمعتها
ام حسن:ليه بأه؟
جوان:اكيد راسل لي فلوس.."شربت من الكابتشينو"..لو أدري وش نقطة ضعفه والله الوي ذراعه
ام حسن بـ سرعه:ماتعمليش حاقه..انتي تعرفيـن ان عمك ماصحش تعلمي لو شي
أبتسمت جوان على كلام ام حسن:ادري..بس والله احيانا تصكني الوساس..المشكله اني لو اكلم الجوري تقولي حرآم عليك ومدري ايش..وانه طيب..طيب انا بعد بنت اخوه..
ام حسن:ادعي ربنا يحنن ألبوو..
/
/
/
ضحك ضحكــته العاليه..وبان غميزته اللي تحفر خده حفـر..وعيونه اللي من ورآ نظارته الشمسه تطالع في صديقه .:صدق انك سبيّكـه اقنعوك اهل ..اجل تكمل نص دينك هاه؟
رفع حاجب:نويصير..لاتحبط من معنوياتي
ناصر طب من كبوت سيارته الكشف..ووقف ع الرصيف: طارق..من جدك تبي تتزوج؟
طارق يتسند على سيارة ناصر الكشف:افكوورس مسيوووو
ناصر:مسيووو؟؟..انا بسوي نفسي ماسمعت..المهم اسمعني انا بسوي لك حفلة توديع العزوبيـه
طارق:ههههههههههاااي..حلوه توديع العزوبيـه..عليك طقوس غريبه
ناصر:ايه وانا ناصر ولد أبـوي
طارق:والله محدن مخققك غير ابوك..جزانا الجنه ان شالله..المهم متى بتسوي حفلتي؟
ناصر يفكـر:اممممممم..قبل ملكتك بـ أسبوع
طارق يرفع يده:اوووهوو..انطر ياحمار لين يجيك الربيع..اجل بنحتري واجد
ناصر:اقول امـش خل نروح لنا مجمع نهجول شوي..ونفطر
طارق:ياخي فاضي بيجلسون يقولون عوايل وعوايل..كرررررررهت هالكلمه
ناصر:اقول بلا جرهن واجد..امش انا بدخلك
طارق :أيـه مب ولد أبوك ..اكيد بتدخلني
ناصر بـ نص ابتسامه طلعت غميزته اليمين:كنا كنا..اعجبك انا

مشـى ناصر لـ سيارته طب جـوا حتى من غير لايفتح البـاب..اما طاارق فتح الباب..:ياخي اشك انك بزر احيانا
ناصر:ليش؟
طارق:اجل تطب؟
ناصر :جت امي الثانيه .. كل ماطبيت تفتحها لي محاظره ..وانت وانت..ماتخاف تنكسر رجلك..ماتخاف تطيح ووو
طارق:اقول وين بترح بنـا؟
ناصر يحك ذقنه اللي كـان مرسوم "الكعب"..: مدري!..طاقتني شهوتن على الفيصليه
طارق:فيصليه ؟؟..يلله فيصليه فيصليه ..
/
/
/
جالسه مع بنت عمها..فـ الحوش..:خجل عصيرك ماشربتي منه
ابتسمت خجل..وشربت من عصيرها:كان بارد
تنهدت:كان بارد ولا اللي ماخذ عقلك يتهنــآ به .."تهز حواجبها"..ياحظ اخووي ..
خجل: شذى!..وش ماخذ عقلي..انتي تدرين اني ماأبي اخوك
شذى حطت يدها على خدها:حـرام عليك .. عاد اخوي يموت في دباديب دباديب دباديب ابو اللي خلفوووك
خجل استحت : أدري..سامحيني شذوو..بس والله
شذى قاطعتها:ترا ماحب كذا..مب لانه اخوي تسوين لي فيها تحبينه..انا احب الصــراحه.."تنهدت"..بس تصدقين اهلنـا تفكيرهم رجعي مره .. شلون يعني لازم ناخذ عيال عمانا؟
خجل:ههههههه احس لك مستقبل زاهر مع ناصر
شذى ارتااعت:نعآآآآآآم؟؟..ناصر؟
خجل:ليه ؟؟..وش فيه ناصر؟
شذى تأشر بيدها:تزوجيه انتي
خجل:هه بـ كيفي هوو؟؟.."بـ حزن"..انتي تدرين اني من انولدت وانا مسميه له فراس
شذى:انتي بس لو تعطين اخوي فراس فــرصه..كان انتي بـ خير
خجل: شذى انا ماأكره فراس..بلعكس هو طيب ومن كلامك عنه انه حنون ..بس انا كذا ماأبي احس ان مصيري بـ يد احد غيري
شذى تهز كتوفهـا:هذا اللي ربي كتبـــه
خجل:ونعم بـ الله
شذى:اقوووول!..ماتلاحظين ان العصيرات بردت
خجل:ههه مابي حقي..خذيه !
شذى:لا مابيه ..انا مابي حقـي

- احم احم!!

تغطت خجل..وجـآ فراس:الســلام عليكم
خجل وشذى:وعليكم الســلام ..
فراس تقدم وعينه على خجل:كيف خجل؟
ابتسمت :الحمدالله بخير!..انت شلونك
فراس:الحمدالله ... وش هالجلسه الحلوه؟..
شذى:لا ماصارت حلوه الا يوم جيت
فراس يحك شعره:الله مير يسلمتس!!!..وشسمه ذا ..وتشربون عصير بعد؟
شذى:ههه لا ماشربناه..تقول فيه سم..ولا وحده شربت
فراس:اجل هاتوو..انا انسـان عطشان
مد يده لـ عصير خجل..قالت :فراس ترا شربت منه..
فراس:اووه اجل بيطلع طعمه احلـى
حممر وجهها..قالت شذى:فراسووه..أثقــل بعد الملكه سوو اللي تبي
فراس:لو بـ يدي خليت الملكه بكره ..بس آآخ ..اوكي فرصه سعيده خواتي..انا بمشي
راح والعصير معـــآه

شذى:حـرآم عليك
خجل ترتب شعرها..بعد ماشالت الجلال:وشو؟
شذى:كل هالزين ولا تحبيــنه؟؟..والله انه .."وتعدد" ..طيب! ..حنون!.. رومنسي
خجل:انا ماأكرهه بس ماأتخيله زوج..أفهمـــــــي!!!!!

خجل = 20
شذى = 19
فـراس = 25

/
/
/
دخلت البيت وانا مره تعبـــانه .. رميت شنطتـي على الكنبه .. شفت اخوي عبودي جـأي عندي

- هيلــه ..ديتي؟..(جيتي)
أبتسمت هيله:ايه ديت وش تبي؟
رفع يده يعطيها سياره انكسرت..اخذتها:من كسرها؟
هز كتوفه الصغـار:انا ديت ولقيتها تدا..(تدا=كذا)
هيله:بس انا قلت ياعبود..ماأقدر اشتري لك زيها
عبدالله يحاول مايصيح:عادي..انتظر لين تديك فلوس
رحمته..مدري ليه احس نفسي سبب فـ فقرهم.. رجعت آخذ شنطتي.. طليت على امي اللي تطبخ ..

وبعدها طليت على أبـوي ..ابتسمت وتقدمت له ..
هيله :كيفك يبـه؟
ابو هيله :هلا هيله ..الحمدالله
مسكت يده وبسـتها:انا بخير دامنـي شفتك
ابتسم:وكيف الشغـل معك؟
هيله :الحمدالله .."بـ مرح"..ولو انه متعب .. بس معليش
ابو هيله :جعـلي ماأذوق يومك يابنتي
هيله:لا يبـه ..جعل يومي قبل يومك.."تركت يده"..انا بتركك ترتــاح

طلعت عنه.. مســألة اني اتخيل ابوي يموت هذي بعيده..لو يطلب روحي ..اعطيه ..بس اهم شي يعيش معنـا لأننا بدونه ولا شي..لاتقولون مقعد ولا حول ولا قوة له..حـس رجـال بـ البيت عندنـا يسوى كثــير..
آآه الله يطوول بـ عمرك يبـه ..ويخليك لنا

هيلــه = 22 سنــه ..أول سنـه طب

/
/
/

حط الببســي..وبلع اللي بـ فمه:ماأجمل ان يشبع الواحد
طارق:اكرمك الله
ناصر رجع اخذ الببسي:الله يحييك
طارق:تـرا المره الثانيه عزيمتك علي..مهيب حاله كل يوم انت اللي تعزمني؟
ناصر يتهــزا بـ حكيه:مايــباشر الا الدااشر
طارق:ههههههههههههههههههههههههه.. حـرام عليك .. انا كنت امزح معك يوم أقولها
ناصر:ايه اشوى تراها في قلبي لين الحين
طارق:بسم الله عليك .. يالبعير..ودي ابوسك أعتذر بس كلي زفر
ناصر يأشر ع الحمام بـ يده اللي فيها ببسي:شف الحمام هناك..رح غسل وتعال حبـني
طارق ضحك:ههههههههه ودك ابوسك يعني
هز راسه بـ"أيه"..:يلله قم
قـام طارق:انا بقوم..بس عشان اغسل مب عشانك
مارد ناصر لانه يشرب ببسي..:بس بس..ماغير تقحين في هالببسي..شف وش كبره .. ناوي تخلصه؟
ناصر:عادي
طارق اخذ الببسي وحطه..:امش بس خل نغسسل..

يوم طلعـوا من الحمامات..مــروا بنات مراهقات ..فاتحين العبايه والشعر مستشور..واساور فسفوريه..

طارق بـ شفقه استهبال:لاحول!!..ياحياتي يتعبون نفسيــاً قبل لايجوون
ضحك نــاصر بـ صوت عالي..طالعته وحده من البنات وابتسمت..تحسبه يبي يلفت نظرها
طارق:عشان خاطر هالتزين عطها وجه
ناصر:هههههههه مااعرف ارقم..
طالعته بـ نص عين:نعم اخوي؟؟..انت مفروض يخلونك تفتح مدرسه تعلم كيفية الترقيم..وهالبنات اللي مخرفنهم وين راحوا؟
ناصر:ذكــرتني بـ ولد عمي نواف..يااحبي له
طارق:ما شفته نواف ذا الا..نسيت متى اخر مره..المهم هالبنات تعبـوا مساكين من التميلح .. عطهم زي حريمك اللي مخرفنهم
ناصر:مالي خلقهم ذا اليومين قفلت جوالي..بس فاتح حق الاهل
طارق:طيب معليش ورينـــا شطارتك!!
ناصر بلع ريقه يستعد وهو يطالع البنت ..ثم دخل اصبعين فـ فمـه وصفـــر بـ صووت عـألي..طالعته البنت ووجهها احمـر.. مسك قلبه:أغـــــــدي كشنـه بـ اللبنه عند هالفسفوووري!!!
ضحكت البنت بـ غنج.. ومسكت يد صديقتها..
طارقق:نعنبـو بليــسك شكل الكوره اللي فوق طاحت ..
قصده حقت الفيصليه
ناصر يكلم طارق:هاه كذا؟
طارق:لا البنت خقت .. عطها رقمك
ناصر يحرك يده بـ تطنيش:مرآهقه..ماأبيها
طارق:الا أحسن عمر....انا احب الطعشات
ناصر ضحك: تحبهم؟؟..لا والله عشان هم اللي بيعطونك وجه .. اوما اللي فوق الـ 20 ولا وحده تعطيك وجه

طارق وهو يمشي ويمشي جنبه ناصر:لا والله الحين حتى الـ 30 ..انهبلت ..هي ع التربيه
ناصر:اقول سكر الموضوع..وين نروح
طارق:امس دامنا فـ الدور الثالث..أبي ميغـا ستار..
ناصر:مشينــا

نــاصر = 26سنه
طارق = 26سنه
/
/
/
لبست نظارتي ..وعدلت جاكيـتي الفووشي الصارخ.. وصلت عند سيارتي المرسيدس..طالعت انعكاس صورتي و وصلحت روجي الفوشي مثل جاكيـتي.. فتحت باب سيارتي..
رن جوالي
المتصل>>ابو مشعل


- هلا عمي
ابو مشعل:هلا جوآن ..أو مدري وش اسمك
جوآن:ايه جوان..
ابو مشعل:شلونك؟
جوان:الحمدالله ..وانت اخبارك واخبار الجوري؟
ابو مشعل:الحمد الله..وصلتك الفلوس؟
جوآن:أيه وشكرا ماأبيهم رجعتهم لك اصلاً..
ابو مشعل:ليه طيب؟؟
جوآن:انت تعرف وش أبي..
ابو مشعل:أنــسي!..
تنهدت:اوكي اجل..خل الجوري تجيني طيب
ابو مشعل:هذي بعد انسيها...اجيبها لك زياره ممكن لكن تجي عندك تعيش لا
جوان:طيب متى تجيبها..
ابو مشعل:متى مافضيت
جوآن:اها..طيب انا لازم اسكر
قال ومايقدر يخفي اهتمامه فيها:وش عندك
جوان تفتح باب سيارتها المرسدس:أدور لي شغل
ابو مشعل:انتي تخرجتي؟
جوآن تحط شنطتها فـ الكرسي اللي جنبها وتركب:أيـه..
ابو مشعل:مبروووووووك..متى؟
جوآن:صار لي شهرين يمكن..
ابو مشعل:طيب من أي قسم
جوآن:أدارة اعمال
ابو مشعل:اجل انا ان شالله بحاول اساعدك
جوان:شلون تلـقى لي شغل بـ أمريكا؟
ابو مشعل:بشوف من معارفي اللي عندهم فروع عندكم..
جوآن:اها ..فيك الخير والله
ابو مشعل:ولوو انتي بنت اخوي
جوآن:..................
ابو مشعل:اجل انا بسكر تبين شي؟
جوآن:سلامتك وسلم لي على ام مشعل وهيا وعليا..
ابو مشعل:يوصـل ان شالله
- جد ميشووووووو؟؟ترقيه

متعب تافخ الخشه:ايه هو ياخذ ترقيه وانا حتى وظيفه مالقيت

مشاري:هههههههههههههههه انت اللي جالس ومكانك سر..لازم تدور وتتعب

ملاك:ماعلينا من متعب..والله ياميشوو تستـاهل

ام مشاري:ربي عطاك على قد نيتك ..فهالوقت القياسي..

متعب :عقبـالي

ام مشاري:ههههههه وانت بعد وعقبـال مانفرح بك معرس

مشاري:هههههههههه لا مهوب معرس قبلي

ام مشاري اكتفت بـ أبتسامه

أحلام:زواج مشاري انا بقوم به..وانا بزفك وبختـار لك العروسه

مشاري:هههه

متعب:لا ياشيخه؟؟..وانا من بيختار لي العروسه؟

ملاك:افـا عليك..ادور لك وحده من صقيقااتي

متعب:مابقى الا هي اعرس على مراهقه

تو ملاك بتعلق.. بس قال مشاري:خلكم من العرس..انا عااازمكم اليوم..

احلام:والله؟؟

ملاك:يارب كل يوم يترقـى ميشوو يارب يارب يارب

مشاري:هههههههههههههههههههههههههههه

/

/

/



نزلت من سيارتي وانا أطـالع عمـاره ومن كلام عمي انها شركه عريبه..وتحديداً سعوديه.. دخلت الشركـه

واحس نفسي فـاقده الامل من اني القـى لي شغل هنـا

/

/

/

- يمه ماافي فستان يناسب..

ام بندر :كلمي السواق يجهـز السياره

خجل:ودي اروح مع بندر ..

ام بندر:دقـي عليه شوفي كانه قريب نمر السوق ..

رفعت جوالها:اوكي



طلعت بـرا ..واتصلت على بدر

/

/

- ههههههههههههههههههههه.. اوما حفلة توديع العزوبيه

أبتسم بـ ثقه:افكوورس هذي طقووس مايسويها غير ناصر

طارق: ايه محد غريب اطوار مثلك..الا نـواف ولد عمكم وينه ؟

بدر:انت ليش تسـأل عنه؟؟..صديقك وانا مدري

طارق:هههههه ايه عندنا مشروع انا وهو بـ السر

ناصر:والله بديت اشك فـ أخلاقكم انت وهو..كل كلمه والثانيه تسـأل عنه ...

طارق يحط يده على فمه بعد ماقال:امـزح خـلآص مانيب قايل شي

ناصر:هههههههه



رن جوال بندر

رفع جواله:هذي اختي خجل؟

طارق:خجل؟؟.."يتسهبل"..خجل ولا حيــأء ههاهاهاها

ناصر:ههههههههههه

بندر:تستخف دمك؟

طارق: انا ولا أنت.." وتسند وهو يوخر القهـوه"..بـ الله ابوك وش كان يفكر فيه يوم يسميها خجل...

بندر بـ قل حيله:في هذي صدقت ..

ناصر:ههههههه رد رد الله يرحم والديك



بندر رص السماعه الخضرا:هلا خجوول

طارق:هههههههههههههههههههههههههه

شاته بندر من تحت الطاوله: ياحمــار اسكت

ناصر:لو سمحت احترم نفسك



أبتسمت :بندر وش عندك..وش هالالفـأظ السوقيه

بندر ضحك: سوقيه..المهم وش تبين

خجل:اهم شي الاخـلاق .. المهم!..ابي اروح السـوق

بندر:طيب؟

خجل:ودنــي ملكتي الاسبـوع الجاي وماعندي لبس

بندر:عندك سوواويق ليييييي قبـل .. مافي الا انا

خجل:انا ابيك انت .. ارتااح معك بلييييز .. ماعندي لبس اقولك

بندر:امــا ماعندك لبس كثـــري منها هذي..دولابك معيي بتسكر من كثرها

خجل استحت لانه يكملها قدام اخوياه:يوووووه بندر لاتحاكيـني كذا وعندك ربعك

بندر بطالعم:ماعندي الا ناصر وطارق

خجل ولو انها ماتعرف طارق بس قالت:حتى لووو..المهم بتوديـني

بندر يطالع ساعته:امممممممم.. شوفي الحين انا جالس اتقـوى معهم لامني خلصت عطيتك آلوو..حلو

خجل:يعني متى؟

بندر:اليوم ان شالله ع السـاعه 10

خجل:يوو عشـره!..

بندر:اقول اها بس..احمدي ربك

خجل:طيب طيب..بسم الله ..عشـر عشـر

بندر:بنات مايجون الا بـ العين .....الخضرا ههه

خجل:ودي اقول سخافه بس اخاف ماتوديني

بندر: لاصارت حاجتك عند الكلب..أكرمـــه!

خجل:ههههههههههههههههههه انت كلب

بندر:اقول ترا بـ هوون .. يـلا بـأي الوعد الساعه 10

خجل:ههههههههههههههه اوكي باي



حط بندر جواله على الطاوله..طالعه ناصر..:بتروح

بندر:مب الحين 10 ان شالله

طارق:والله الخوات قلق

ناصر يتسند على كرسيه بـ ارتيااح:الحمدالله ماعندي خوات

بندر:بس شلون انت عايش من غير اخت تهبل بها.. وتطفشها..وتتمرجل عليها

طارق مد يده :ههههههههههههههههههههه كفك!

ظربت يد بندر فـ يد طارق:الله يعين حيـا مدري وش اسمها

بندر:لاحوووول!!..خجل خجل!!!!.."عقد حواجبه"..اصـلاً مب لازم تعرف اسمها ..

طارق:وانت الصادق..أسم اهل اسهل

ناصر: الا وش صار على اختك ..

بندر يتنهد:ملكتها الاسبـوع الجاي

ناصر:اكشششششخ مبروك

بندر:وش مبروكه الله يخس عدوينك .. مسكينه ماتبيه

طارق:طيب ليش واقفت دامها ماتبيه

ناصر: مب على كيفها!..

طارق: اجل على كيف مين

بندر:ابوي قايل لها ان رفضت ماراح يرضـى عليها لي يوم الدين ..

ناصر:مثل ماقلت لك ..بنت العم لـ ولد العم

طارق يناظر ناصر:وانت من تاخذ؟؟

ناصر:مدري بس الظاهر شذى

بندر:انا ماعندي احد نياهاهاهاهااا

ناصر:هههههههه الا بتلقــى

طارق:طيب ليه كذا

ناصر:اممممم..كيف اقولك

تكلم بندر عنه: عشان الورث مايطلع بـرا

طارق:الله!.. طيب اذا انا مابي بنت عمي

بندر:هههههههههههه فـ قريح لاتتزوج

طارق:يلعن ابو اللي مايتزوج مسيار ياشيخ

ناصر:هههههههههه عشان يتبرون منك..عمي اخو ابوي الله يرحمه سواها تزوج اجنبيــه .. تبــرا منه جدي .. ولا له حق بـ الورث

طارق:لاحوول !!..

بندر:و عمـي عبدالعزيز ..أبو نواف

ناصر يلعب بـ كاس العصير حقه:ليته على كذا وبس

بندر يكمل:تدري ان اخبـأرنا مثل السبق الصحفي.. يعني لو احد مننــا مات ولا تزوج..ولا طلق.. ولا شي.. الناس تتناقل اخبارنا

طارق :ايه .. قد سألت ابوي مره عن جدكم..قال انه يعرفه .. وانه معرووف..



جد نــاصر كان رجل أعمال الكل يعرفه .. ابو ناصر ماسك وكالة سيارات المعروفه..اما ابو بندر ماسك شركة أبــوه اللي هو جد ناصر بندر ..وفي بـاقي بس بـ نعرف مع الوقت ..

عمهم عبدالعزيز .. والعم مبـأرك



/

/

/



- شلون يعني انا ماصار لي شهر متخرجه؟

الرجـال:اسمحي لي يااُخت بس هي دي القوانين..

جوان تضرب ع الطاوله بـ يدها:بس ياهوو انتوا طالبين موظفين..ومعاهم بكلريوس..وانا معاي الحمدالله

الرجال:باين عليكي أتسرعتي اوي اولنـا احنا عاوزين بكلريوس وخبره خمس سنين

جوان تضف اوراقها وتقوم:الشرهه علي جايه احاكيك ..وين مدريكم؟

الرجـال:الاستـاز سعود مشغول اوي..وهو مش فاضي لـ حضرتك دي الؤاتي

جوان:الا يفـضى لي وانا جوان بنت عبدالكريم

طلعت وشافت موظف شكله مب سعودي وسألته عن مكان المدير..ودلها عليه





/

/

/

- اقول مشاري مادريت؟

مشاري:وشو؟

فهد:في اشاعه تقول ان في زيادة رواتب

مشاري مستغرب:شلون؟؟..وانت من قالك؟

فهد:الخبر منتشر

استغرب مشاري..انا اخبر ان الموضوع سر!..

فهد:مشاري شكلك مب مبسوط..عاد مفروض تفرح وتفررح اهلك

مشاري يبتسم:الا مبسووط يافهد..شلون ماأنبسط

/

/

/

وصلت الدور الخامس مثل ماقال لي الرجال..طالعت كل اللي حولي خليجيين..

- can I help u?

طالعت قدامي واحد..شاب..بوهته تعطي واحد خليجي..كان مو طويل مره بس طولي او اطول شوي ..وجهه بيبي فيس صحيح وجه رجال..بس بيبي..ومركب بريسز (تقويم) ومعطيه ملح..ههه بحلقت بـ رجال..بس حبيت تتخيلون شكله..

جوان:امممم حبيت اقابل المدير

طالع فيها:سعوديه؟

جوان:لا بنقـاليه

ضحك:ههههههههههههههههههههه

جوان:وين المدير؟

حك شعره:سعود؟؟

جوان:مدري وش اسمه..اظن عندكم مدير واحد

أبتسم ومد يده بيصافحها:معك حسين عبدالعـزيز..العمر 24 سنه..اشتغل ....

قاطعته:انا ماسألتك عن اسمك وعمرك..ابي هاللي اسمه سعود

حسين:لا الظاهر مسوي لك شي .."ويقلدها"..هاللي اسمه سعود
جوان عصبت: انتوا ياللي فهـ الشركه كلكم مجانين..انا الغلطانه جايه ابي شغل..بس الحين ابي اهاوش مدريكم..واطلع

حسين:ههههههههههههههههههههههههههههههههههههه..فديت القويين .. امشي معي اوريك وينه

تغاضت عن "فديت القووين "..وراحت معه..تو بندر قايلهـأ .. لاصارت حاجتك عند الكلب ....أكـرمه!

/

/

/

- ياخي ذولي ليش سموهم عارضات؟

متعب:لانهم يعرضون..

فيصل:لا وانت الصادق..من النحف صايرين كنهم عارضه ههههه

مشاري:ههههههه ماتضحك

هشـام:استر ماواجهت وانا اخوك

متعب:الحين انتوا وش عليكم انا وهو نتأمل في خلق الله

خالد يحرك حواجبه:تأملوا بس مب فـ الحرام

فيصل:مالك دخل هم راضيين

هشام:اقول فصوول وش رايك اخطب لك وحده منهم

فيصل:لا الله يعافيك

هشام:ابد حااااااالف

مشاري:ايه وانا بعد يارجال

فيصل:لا الله يعافيكم

متعب:انا لو متوظف كان ماصار هذا حالي..

فيصل مسوي متأثر:هونها وتهوون ياأخوي..هذي حال الدنيــا..الله يـأجرك فـ مصيبتك

مشاري:ههههههههههههههههههههههههههههههه

خالد:ايه صح يامتعب..ماله داعي هالحزن..مايندرى وش مخبـى لك القدر

هشـام:ياعيني عليك ياخلوودي..عايش جوو.."بـأسه" ..فديتك انا

خالد:تحبني ياهشـام؟؟؟

هشـام:احبك؟؟..هذا سؤال يابعد عمري؟؟..انت الهـوا اللي اتنفســه

مشاري:هييييييييه!..انحرفوا فـ بيتكم

خالد:هذا بيتنا

فيصل:ههههههه..يعني منحرفين

متعب:طيب احترمونا هذي من صفات العرب..احترام الضيوف

هشـام:لاحوول .. خلودي شف لك صـرفه مع عيال عمك ..

خالد يكمل:هشـام اوعدني انك لا تزوجت ماتحب زوجتك اكثر مني

هشـام:أبشـــر يابعد عمري

/

/

/

"يأشر على واحد جثـه"- هذا السكرتير..لازم تتخطينه عشان توصلين لـ سعود

طالعت فـ السكرتير..عضلات واسمر..وطووووووووويل..لو يحطونه سكيروتي يمشي

حسين:يقولون ان اللي يدخل معد يطلع

طالعته بـ خوف...ثم استوعبت..عطيته نظره خلته ينفجر ضحك..يوم عطيته ظهري ضحكت مدري ليه

جوان:لو سمحت ياأنت..ابي اكلم الشخص اللي اسمه سعود

السكرتير من غير لايرفع راسه:مشغول هو الحين تعالي باتشـر

جوان:اسمعني وطالعني لما اكلمك..مانيب جايه بكره..ياأنك رجالن تقوله اني ابي اكلمه ولا بدخل والله مايردني الا البـاب

رفع عيونه لها:شتبين؟؟..عندج موعد وياه؟

جوان:لا ماعندي..من زينه الحين اخذ موعد..

سمعت ضحكة حسين اللي كان واقف ومسند نفسه ويتابع الموقف:طيب ياخليفه خلها تقابله يمكن عندها شي مهم

السكرتير:آسف عــ.."أشر له يسكت بـ غفله من جوان وقال"..انا آسف اخوي..هو الحين مشغول

جوان شوي وتقطع شعر راسها من القهر:وش مشغوول مانبي ماخذه من وقته الثمين الا ربع ساعه كانها مو اقل

السكرتير:.........

جوان:هيـه

السكرتير:..........

جوان:يالاخوو..اتكلم انا

السكرتير:وانا اللي عندي قلته لج

رفعت رجلي ضربت بها فـ الارض..



- وش هالصجـه؟؟..وش عندكم؟؟

شفت صاحب اللي توه طالع من البـاب..اعطيه رجال في بدايه الـ 40..ذقن مهمل ..وشكله معصصب..بس طويل ورزه..كبيـر شكله

السكرتير:آسف أستاذ سعود..بس هذي المـ

جوان:انا قلت له اني بكلمك شوي وهو ماخلاني

تكتف تسند ع الباب وطالعها وشكله ماله خلقها:وش تبين؟..

جوان:كذا يعني؟..اوقف هنا؟

حسين:طال عمرك خلها تدخل..يمكن تبي شي مهم

طالع سعود في حسين ثم رجع ناظر جوآن..تفحصها من لبسها المحتشم..صحيح من غير حجاب بس متستره..شنطه واضح من شكلها انها غاليه..وجزمه بعد..ونظـاره معلقه على بلوفرها واضح انها مآركه

سعود:تفضلي بس مامعي وقت

دخل وهي دخلت ورآه..وقبل لاتدخل طلعت لسـانها لـ السكرتير اللي واضح ماتحركت منه شعره..وأبتسـامه لـ حسين

ودخلت



"كان يحك عينه اللي باين عليها التعب "- نعم اختي وش بغيتي؟

طالعته:الحين انت المدير

ناظر نفسه..الظاهر شككته في عمره هههه..:ايه انا ليه؟

طالعته بـ تفحص بعدها قالت :لا ولا شي.."وعطته اوراقها"..انا جيت اقدم على وظيفه..وحقكم ذا مدري منهوو يقول لازم خبرة خمس سنين

سعود:طيب؟

جوان:حرام عليكم..بعد خمس سنين مت من الجوع

طالعتها من فوق لـ تحت..:قلتي تموتين من الجوع؟

ادري وش يقصد..وحده لابسه من رأسها الى اخمص قدميها ماركات اكيد ماراح تموت جوع.. مادري ان هذا كله يوم عز ابوي..:لا تغرك المـظاهر بس انا مره محتاااجه الله يخليك لـ اهلك ..وظفني عندكم انا مستعده اشتغل فراّاااشه

سعود:وش معك شهاده

جوان:بكلريوس..ادراة اعمـال..

سعود:امممممممم والله أحنـا عندنا وظايف بس انتي من لهجتك واضح انك سعوديه..ونجديه بعد

ارتبكت..:أ..ايه

سعود:طيب؟..واهلك راضين

جوان...أهلي؟..بلاك ماتدري ان ماوراي احد .. :ايه راضين..

سعود:اوكي.."مد لها كرت"..هنـا ارقامي كلها..دقي علي بعد أسبـوع اكون قد لقيت لك مكان..وتراك عند كلمتك..لو تشتغلين فراشه

جوان بعلت ريقها:ايه بس عاد مب

قاطعها بـ ضحكه عاليه:ههههههههههههههههههههه امزح..تقدرين تتفضلين لاني مشغول

اخذت اوراقي وهو ولاهمـه حضرته..حتى أسمي ماعرفه..نزل راسه لـ الاوراق اللي في يده ...الظاهر وده يقوم يصلي ركعتين ويدعي يقول يارب تطلع من مكتبي..لا الظاهر مالي نصيب فـ هالشركه..:مشكور اخوي..

بس مارد..قلت :في ميزان حسناتك ان شالله

سمعت صوته وكان واطي..الله يلعـ...اخخ بس استغفر الله..طلعت من عنده هو و وجهه

/

/

/

كنت افكر كيف ان الخبر انتشـر حق زيادة الرواتب؟؟..امم بس المووضوع سـري لين يطبعون الخبر.. ولا شفت شي..

هزيت كتفــي من غير اهتمام..شفت اختي احلام..

أبتسم وبانت غميزه على جنب : احـلام هنـا؟

احلام:هلا ميش..كيفك

مشاري:احلـى كيف بـ شوفتك..وين الصغـار؟

احـلام : اميره مع ملاك اكيد يتلاقطون.. اما عبدالملك فـ المجلس مع امي..



اميره وعبدالملك عيال احلام اخت مشاري



رحت المجلس .. دخلت عند امي اللي كانت تلعب عبدالملك :الســلام عليكم

ام مشاري بـ نفس خايسه :هلا مشاري..وينك من الصبح؟

مشاري يجلس:ابد .. بس كنت فـ الشغل..خبرك نص يومي يروح دوام

ام مشاري من غير نفس :والله انت اللي ماغير طاحن نفسك بهـ الشغل.. ولا هم ماغصبووك ع الكرف



ابتسم..هذي دايم امه تعامله وكأنه حمــار وانتوا بـ كرامه مب انسـان..عاد مفروض هو الكبير الحب يروح له شوي..

- يمـه هاتيه بغير له

عطت ام مشاري عبدالملك لـ احلام..التفت لـ مشاري:اسمع!..ترا البيت مافيه شي.. لا مقاضي ولا أي شي

مشاري:خلااص بروح ان شالله

ام مشاري:ومتى؟؟؟..اجلس احتريك ياأنت ياخشية النوم متعب تروحوون؟؟..لين نموت جوع؟

مشاري يقوم :ان شالله الحين بروح لايضيق صدرك



- وين بتروح خالي مشاري

ام مشاري:بسم الله متي دخلتي..يالمطيووره سلمي اول

اميره:هههههههههههههه ان شالله هاه خالو وين؟

مشاري يحك شعره مايبي يقول عشان لاتنشب:وش اسمه ذا..نسيت اسمه

اميره تمسك كم ثوبه:يوووووه بليــز...قللللللي!!!

مشاري:نسيت اسم المكان اللي بروح له..انجيت يمكن اتذكره

ام مشاري:هـآآآو!!..منتب صاحي..بيروح يجيب مقاضي

مشاري:آآآآآآآآآآآآآآآآآآآآآآآآالله يخرجنــا

اميره:هههههههههههه...الله يخرجنا هاه..ابرووح

مشاري:يلله روحي البسي جزمتك..انا احتريك بـ السياره

اميره:دقاااااااااايق!!!

/

/

/



- هاه بشــري؟

طالعته:اولاً مشكور ع المسـاعده..ثانيـاً..تراني عطيتك وجه

حسين:افـا؟؟

جوان:بليـز خلني

حسين:طب ماودك تعلميني اسمك؟

جوان:لا..ولاأبي..يلله بـأي

حسين:بايات ياقمـر

جوان:نعــععععم اخوي؟

حسين:ههههههههه آسف طلعت تسذا..باي

ابتسمت على "تسـذا"..:اروح وطي مع الخشـه الحلووه حقتك

جوان:بـــــأي

وراحت



/

/

/

كانت تتعبث بـ المسجل:وش تسوين يابنت!..

اميره:يووه خالي وش فيك..ابي اشغـل اغنيه

مشاري:ترا السياره بتخرب فوق ماهي خربـانه..لاتخربين مسجلي الله يعافيك

اميره:ههههه..انت محليها..لاتقول خربانه

مشاري:احم!..الله مير وشسمه!..يسلمك

اميره:ههه.."طلعت شريط"..هذا عبدالمجيد ؟

مشاري:لا اخوه!

اميره:الله في ..لآزاد!!

مشاري:ياشين جوك ياشيخه

اميره:ههههه

شغلت الشريط



لا زاد فيني الحزن ..اكتم دموعي ووان

واقول ابد ماأبيك .. واذكر هوانا واحن

وين انت عني انا..وكلتني لـ العنا

ماكني اللي هويت

ولا كننا نفســنا

عيشتني بـ الوهم قتلتني بـ الالم

عودتني ع الدموع..عرفتنـي ع الندم

قلبي معك رجعه..كلامك بيسمعه

قله يشوف الحيـاة
وان انت ماتنفعه

لازاد فيني الحزن اكتم دموعي وآن..واقول ابد ماأبيك ..

وأذكر هوانا واحن



مشاري يقصر ع الصوت:وش تبين كارفور ولا الدانوب؟

اميره:التميمي هههههه

مشاري:عناد يعني

اميره :ههه لا شف هذا الدآنوب..خل نروح له

مشاري:أوتسيه!!
خلصت طبخ..والحين اقدر اروح المستشـفـى

- هيله

وانا البس عبايتي :نعم يمـه

ام هيله:يمه مابعد طلع راتبتس؟!ترا ابوتس يبي رز

هيله:اوكي يمـه وانا جايه بجيب معاي رز واطبخه..تامريني على شي ثاني

ام هيله:لا الله يوفقك وين ماتروحين يمـه ويبعد عنك كل باس..ويسعدك قولي آمين

حبيت راسها..عرفتوا ليش انا متحمله هالحياة وعاايشه لاني ابر امي وابوي..وأسمع دعاهم..طلعت ورحت المستشـفى..وداخلي مبسووطه وصدري منشرح

/

/

/



- مرام وش تسوين هنا؟

مرام تتنهد:ابد .. بس افكـر بـ أمي

قالت وهي تجلس:طيب؟..هي مع اخوك ومرة اخوك يعني اخوك مب شرير لـ هالدرجه

مرام:انتي ياايمان تدرين ان اخوي حمـار ومـرته حماره اكثر منه..اخاف انها تبي شي وهم سافهيــنها

ايمان:اممممممممم طيب لاتفكرين ترا مب زينه كثرة التكفير ربي يعينها

مرام:ليتنـي مثلك ياايمان..باارده وماهمك شي ابد

اكتفت ايمـان بـ أبتساامه

تنهــدت مرام وهي تحظن شنطتها:تدرين ايمان..احس ودي اهااجر وآخذ امي معاي..ونعيش ومانحتااج احد

ايمـان:وكيف

مرام:مدري..مجرد احـلام

أيــمان:الاحـلام ممكن تتـحقق بس في يدنا احنا تحقيقـها

مرام:وانتي الصادقه يا ايمـان..بس الا انا مابيدي شي.."ناظرت ساعتها"..اكيد عبدالله جـا..بدك شي؟

ايمـان:سلامة قلبك..بس لو معك جوال كان اصـرف

مرام تبوسها مع خدها:الله يسلمك ياقلبي..يلله مع الســلامه

/

/

/

- وينك ليش مقفـل جوالك ياقلبي

تنهد:أبد ياعبير بس كان عندي ظروف ونفسيــتي تعبت

عبير :بسم الله عليك ياقلب قلب وروح عبير.. ترا انا عندك فضفض لي ان بغيت

لــوى شفته...أيه تحلمين : ان شالله ياعمري..

عبير:امممممممم ناصر!

ناصر:عيـــــــونه آآمريني

عبير:تسلم لي عيونك .. ابوي قام يشك.. ويقول فواتيرك طاااقه .. وش اسوي

فهم هي وش تلمح له:قولي له اني احب نــاصر!!..

شهقت :مجنون انت؟؟..عشان يتبرى مني..لا جد ايش اسوي

ناصر:قولي وش عندك

عبير:اممممم مالنـا الا انك تسدد لو النص بليـز

ناصر:ههههههههه انا مطفر طيب

عبير:أمــــآ مطفر!!..حبيبي بليـز.. بس انت ادرى بـ الظروف

ناصر:خلاص..بس انتـي ذكريني..

عبير:اموووووووآآآح..احبك ياخي

ناصر:تحبــبني.. ولا تحبين فلوسي؟

عبير:لا طبعــــــــاً...انت

ناصر:يعني لافلست .. ولا فجــأه اكتشفوا اهلي اني لقيط.. ماراح تتخلين عني؟

عبير كشرت:لقيط؟

ناصر:هههههههههههههههههههههههه.."جا له خط ثاني"..اقول قلبــي.. معي خط ثاني

عبير:مين

ناصر..ياليل التبن.. :خوويي..تبين شي؟

عبير:سلامة قلبك



سكر منها وفتح الخط الثـــأني

- هلا حنــان

حنان:من كنت تكلم نسووري

ناصر: واحد من الربع .. اخبـارك يالغلا

حنان تتنهد:مشتاااااااااقة لك مووت

ناصر:وانا اكثر ياعمري..

حنـآن:ناصر مره ودي أشوفك..

ناصر:اقول حنان اعقلــي..انا قايل لك علاقتنا بـ حدود التلفون ..

حنان:مدري ياخي.. ودي اشوفك..لو لمحـــه

ناصر:تبين صورتي؟

حنان:ياليت ياليت نااااصر

ناصر:ههههههههههههه انسي ياعمر ناصر

حنان:يووووه

ناصر:خخخخ..اوصف لك شكلي

حنان تحمست:ايوه؟

ناصر:شوفي..انا قصير..وأسمـــر لـ درجة السواد فظيعه .. خشمي كبير شوي..يعني نص وجهـي.. عيوني نقط

حنان:بـــــآس!!..بـــسسس!!!

ناصر:ههههههه وش فيك حياتي

حنان:من جدك هذا انت؟

ناصر:اييه

حنان:وعععععععععع اثرك شين

ناصر:ههههههههه

حنان:ناصر صوتك مرره عســل..اكيد وجهك بيــصير حلو..بليــز اوصف لي شكلك

ناصر:ههه وش اقول يعني

حنان:امممممممم.. يعني كم طولك

ناصر: 174..اظن

حنان:حلوو ..وش لون بشرتك

ناصر:حنطــي بس على بيــاض

حنان:طيب انت من أي صنف الثوب والرزه ولا الجينزات والشعر وهيك حركات

ناصر:امممم على حسب المكان .. بس اكثر شي جيــنزات

حنان تتنهد:خقيت معك..طيب كيف شعرك وعوارضك

ناصر:شعري عادي.. على حسب الستايل..اما عوراضي مسويها أظن اسمها سلك

حنان:كيف يعني؟

ناصر:زي..امممممم شفتي الخكري مساري

حنان:حــرام عليك .. مو خكري..يعني انت مسوي زي عوارض مساري؟

ناصر:ايه

حنــــان خقت :حرآآآآآآم عليك ..مره ودي اشوفك

ناصر:اخاف احد يشوفني وانفضح

حنان:نعنبــــو عدوااااانك!!..من مفروض يخاف

ناصر بـ ضحكته العاليه :هههههههههههههههههههههههه

حنان:اااااااه يانــاس!!..فديت الضحكه وراعيها

ناصر:يابعد عمري ياعـ..احم ..حنان

حنان:ناصر بليــز وش كثر تحبني؟

ناصر:كبر كذا

حنان:ههههه لاصراحه شفت

ناصر:اممم شفتــى البحر شو كبير

حنان تكمل :قد البحر تحبني؟

ناصر:لا .. قد السمكه اللي جوا هههههههههههههههههه

حنان بـ دلع:نســـووووري

ناصر:يـآآآويل حـآل نسووري!!...حنوون اموت تـرا .. لاتدلعتي

حنان:بسم لله عليك اموت وراك

ناصر..يامصلك ياشيخه



/

/

/



- خلااص خالي..أشتريت جالكسي و راوخ

مشـاري واقف عند رف الشوكلا..ويحك شعره يفكر:اقول اميره وش أشتري

اميره:اممممممم خذ جالكسـي زيي

مدري ماودي آخذ جالكسي..بس مشتهي حلاو ولا شي...

مشـاري:طيب حلوو هذا...

طلعت علبه عليها حلاو..فريروروشيـه..اووف غـالي والله..رجعته..وضحكت اميره:عمي هذا مب أي حـلآو

مشاري:والله محـتار..بس مانيب طالع الا لين شريت شـ...

حسيت بـ ظربات على ظهري التفت ولقيت بنت عبـايتها مخصصصصره وواضحه معالم جسمـها وفاتشه والبنت مرره حلووه .. :نعم اختي؟

البنت بـ مياعه:اممم لو سمحت يـا....

مشاري..رديت من غير شعور..صدق اني حبيّب:مشاري وش تبين؟

البنت:مشاري.."ابتسمت"..اسمك حلوو مثلك ..

مشـاري..ياليـل التميلح ..:نعم اختي وش بغيـتي؟؟

البنت: ممكن رقمك لان ودي أقولك شي ضروري

مشـاري:والله ودي بس مقـدر

طالعتــني أميره مصدوومه

البنت:طيب وش يمنعك؟؟

مشـاري:المرآقبه علي شديده
البنت رفعت حاجب:رجـال طول وعرض..مراقب؟

مشاري:ايه مراقب

البنت بـ سخريه:ومن يراقبك؟ امك؟؟..ولا ابوك؟

مشـاري:لا أكبر

البنت:ميـن الشرطه؟؟

مشـاري:رب العالمين يراقبنـي

زفـرت البنت..وراحت عنـهم

اميره:ههههههههههههههههه والله يغبت اصيـح يوم قلت ودي..

مشاري:ههه من جدك انتي صاحي انا افتح على نفسي باب واكلم بنات..خلنا كذا مستوورين

اميره:لاوالله؟؟..ولا مب عشان رب العالمين على قولك

مشـاري:هههه اقول اميـرووه..اختـاري لي حـلاو

أميره:جالكسي سنزي

مشاري:ياويلك انت طلع شين

اميره تضرب على صدرهـا بـ ثقه:أفــا عليك !!..افلقنـي ان طلع